مريض بالمستشفى كل ما يطلع أحد من عنده يـضحك
(( قصة طريـفة و واقعيـة ))
جلس ذلك الرجل على السرير الأبيض ... في إحدى المستشفيات .
وكان كل جسمه شاش ورجلينه كلها جبس
وما تسمع إلا الخ واأااي
ماغير يحن من الأوجاع اللي فيه
عاد أنا قلت يمكن إنه مسوي حادث قوي
أو إنه مشعوط (محروق) أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت شو القصه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
انتهى وقت الزياره
ورحت له على طول !
وقلت له الحمد لله على السلامه
وقلت يا عم ايش اللي صاير لك
وأنا كل همي أعرف ليش يضحكوا ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه حلوة ،
وإذا نمت فتحت باب البلكونه وطفيـت النور وجلست على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلانه باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك ... أنا من أهل الجنه ... يا ملعون لا توديني النار .. أنا من أهل الجنه ..
والله العظيم إني من أهل الجنه ... تو من شوي قايلين اسمي..
وقف يا ملعون .. وقف يا ملعون ... وهذا أنا أصارخ... وهو بأنواع الضحكات الشريره هاهاهاهاها ..... هاهاهاهاها .... هاهاهاهاها ... قلت له يا ملعون وقف!!! أبي انزل!!!
قال: والله الباص هذا مبرمج على انه ما يوقف إلا في النار ...
تبي تنزل طب منه ..... وركضت على الباب وفتحته .. وهووووووووووووووووووب
ولا وعيت إلا في المستشفى ... قافز من البلكونه واجيت بنص الشارع!!!
موضوع: باصات الجنة والنار:lol!: 
الخميس نوفمبر 25, 2010 2:06 pm
